దుబాయ్:కరోనా వైరస్ వ్యాప్తి నియంత్రణలో భాగంగా దుబాయ్ ప్రభుత్వం పలు ఆంక్షలను అమలు చేస్తున్న విషయం తెలిసిందే. ఇందలో భాగంగా వాహనాల రిజిస్ట్రిషెన్స్ రెన్యూవల్స్ ని కూడా ఆన్ లైన్ కే పరిమితం చేస్తూ ప్రకటన విడుదల చేసింది. http://rta.ae వెబ్ సైట్ ద్వారా గానీ, ఆర్టీఏ దుబాయ్ లేదా దుబాయ్ డ్రైవ్ మొబైల్ యాప్స్ ద్వారా గానీ రిజిస్ట్రేషన్ రెన్యూవల్ చేసుకోవచ్చని తెలిపింది. అయితే..వాహనాల ఫిట్నెస్ చెక్ చేయకుండా, ఫైన్స్ చెల్లించకుండా రిజిస్ట్రేషన్ రెన్యూవల్ ఎలా చేస్తారంటూ ఓ వాహనదారుడు ట్విట్టర్ అనుమానాలను వ్యక్తం చేశాడు. దీనిపై స్పందించిన అధికారులు కరోనా కట్టడిలో భాగంగా ఆన్ లైన్ లో మాత్రమే రిజిస్ట్రేషన్ రెన్యూవల్ చేయనున్నట్లు తెలిపారు. మరో మూడు నెలల వరకు వాహనాల ఫిట్నెస్, ఫైన్స్ చెల్లింపు నుంచి మినహాయింపు ఇస్తున్నట్లు స్పష్టం చేశారు.