యూఏఈ: సోమవారం 45 కొత్త కరోనావైరస్ కేసులు నమోదయ్యాయి. ఒక్కరోజులో ఇన్ని కేసులు నమోదవ్వటం దిగ్భ్రాంతికి గురిచేసింది. దీంతో మొత్తం COVID-19 కేసుల సంఖ్య 198 కి చేరిందని ఆరోగ్య మరియు నివారణ మంత్రిత్వ శాఖ (MoHAP) తెలిపింది.

నమోదైన కేసులలో ఒకటి దేశం వెలుపల నుండి వచ్చిన వ్యక్తి వల్ల సోకిందనీ, మరియు సదరు వ్యక్తి  గృహ నిర్బంధాన్ని అనుసరించకపోవటంతో అతనితో ప్రత్యక్ష సంబంధం కలిగిన 17 మందికి సోకిందని మంత్రిత్వ శాఖ తెలిపింది.

ఇదిలా ఉండగా, మంత్రిత్వ శాఖ మరో మూడు రికవరీలను ప్రకటించింది. దీంతో మొత్తం కోలుకున్న రోగుల సంఖ్య 41 గా పేర్కొంది.