:నిర్బంధ గృహస్థాశ్రమం:
- April 11, 2020:నిర్బంధ గృహస్థాశ్రమం:
--డా.కోడి రామ (అల్ అయిన్,యూ.ఏ.ఈ )
"శార్వరీ" మాతకు,"శారదా" మాతకు శత కోటి వందనాలు!
"బుధుడు: పరిపాలించు భువిలోన ,కటాక్షించిన,
కర్ఫ్యూ లేని "కరోన","కోవిడ్" పేర దివ్య నామామృతమయ్యె!
కలియుగ మహిమతో పుణ్యముపురుషులెల్ల
'రాజు','పేద' యను భేదమెరుంగక కంటికే కనపడని,
చేతికే దొరకని, ప్రాణాంతక మహమ్మారికి తల వొగ్గిరి!
నిత్య మరణ మృదంగమై, మన మధ్యలోనే,
మసులుతున్న అదృశ్య జీవి రేపో,మాపో
నీ అంతిమ యాత్రకు,"శ్రీకారం" అంటున్నది అంటువ్యాధి!
నేనే పాండెమిక్ అంటూ ప్రాణాలేహరిస్తున్నది:
"కార్యాలయం" వీడి "భార్యాలయ"మందే మనుగడ
సాగించు, మహానుభావులు, మరెందరో మాములు బాసులు ,
"కూపస్థమండూ కమ్ము",లై భార్యావిధేయులై, "గోవింద"
నామమే మరిచి "కోవిడ్" జపమాల పట్టారు!
అక్కటా ఏమి ఈమాయ!
రక్తపాతమెరుంగని జాగ్రన్మహాగ్ని, అహంకారమంతా
మొందింప అవతరించినదా?
విశ్వ సంగ్రామానికి నా దగ్గర క్షిపణలున్నాయి, అన్న,అన్న గారు, నాలుగు "మలేరియా"మాత్రలకోసం "దేహి"
అని పోషించటం వింతగా ఉంది కదూ!
"న్యూక్లియారు" బాంబులు నీనగరాలను కాపాడగలవా?
మనుజులందరు శవాల గుట్టగా మారిన,
నీ "శిధిల" సమాజానికి నీవురాజువేనయ్యా!
చేతులు కడిగి మూతులు కడిగి సబ్బులన్నీ అరిగిపోయాయి
నేనే గొప్ప వైద్యుడనాని గర్వించాను, నా చుట్టూ కోవిడ్
మంటలు చుట్టూ ముట్టి ఉన్నాయి!
"తీరెను రోజులు నీకీ కొమ్మకు" అన్నారు అలనాటిఘంటసాల
"పొమ్మా ఈ చోటు వదలి" అంటే ఎక్కడికి పోవాలి?
ఎందెందు వెదకినా అందదే కలదు మహమ్మారి "కరోనా"
కుచ్ కరోనా!
తాజా వార్తలు
- మళ్లీ టెన్షన్ పెడుతోన్న కరోనా.. సింగపూర్లో వ్యాపిస్తోన్న మహమ్మారి
- భారత్ లో రేపు ఐదో దశ పోలింగ్.. పోటీలో ప్రముఖ నేతలు
- సర్వత్రా ఉత్కంఠ..ఇరాన్ అధ్యక్షుడు రైసీ ప్రయాణిస్తున్న హెలికాప్టర్ పర్వతాల్లో క్రాష్..
- విదేశీ పర్యటనకు చంద్రబాబు
- షెడ్యూల్ కంటే ముందే మెట్రో స్టేషన్లు పునర్ ప్రారంభం
- జిలీబ్లో లిక్కర్ ఫ్యాక్టరీ సీజ్
- దుబాయ్ ఫ్లీ మార్కెట్ గురించి తెలుసా?
- మడా కార్డ్ మోసాల ఫిర్యాదుకు ఆన్లైన్ సేవ ప్రారంభం
- మహిళలు,వృద్ధుల సాధికారతకు ఒమన్ కృషి
- ఖతార్ ప్రెసిషన్ హెల్త్ ఇన్స్టిట్యూట్ కొత్త రికార్డు