కువైట్: డిపార్ట్‌మెంట్‌ జనరల్‌ ఆఫ్‌ సివిల్‌ ఏవియేషన్‌, కువైట్‌ నుంచి తరలింపు
నిమిత్తం ఎయిర్‌లైన్స్‌ నుంచి రిక్వెస్ట్‌లను అందుకుంటోంది. స్వస్థలాలకు వెళ్ళాలనుకునే వలసదారులకోసం విమానాల ఆపరేషన్‌ కోసం క్యాబినెట్‌ మినిస్టర్స్‌ ఓ ప్రతిపాదనకు ఏప్రిల్‌ 9న ఆమోదం తెలిపారు. ఖతార్‌ ఎయిర్‌ వేస్‌ ప్రత్యేక విమానాలు నడిపేందుకు డిజిసిఎ అనుమతినిచ్చింది. కువైట్‌ ఎయిర్‌ పోర్ట్‌ నుంచి ఈ విమానాలు నడుస్తాయి. కాగా, లుఫ్తాన్సా జర్మన్‌ ఎయిర్‌లైన్స్‌ ఓ కమర్షియల్‌ ఫ్లైట్‌ని కువైట్‌ నుంచి ఫ్రాంక్‌ఫర్ట్‌, చికాగో, నెవార్క్‌ మరియు టొరంటోలకు నడపనుంది. జజీరా ఎయిర్‌ వేస్‌ కువైట్‌ నుంచి ఫ్రాంక్‌ఫర్ట్‌కి ఈయూ జాతీయుల కోసం నడిపేందుకు చర్యలు చేపట్టింది. కాగా, కువైట్‌ అంతర్జాతీయ విమానాశ్రయం నుంచి సోవారం రెండు విమానాలు బయల్దేరాయి. వీటిల్లో 107 మంది ఇరానియన్లు, 121 మంది ఉక్రేనియన్లు రొమేనియన్లు తమ స్వస్థలాలకు పయనమయ్యారు.