ఒమన్:మలేరియా చికిత్సలో వాడే హైడ్రాక్సీక్లోరోక్వీన్ మాత్రలు ఇప్పుడు ప్రపంచ దేశాలకు సంజీవిగా మారాయి. దీంతో హైడ్రాక్సీక్లోరోక్వీన్ నిల్వలు పుష్కలంగా ఉన్న భారత్ వైపు ప్రపంచదేశాలు చూస్తున్నాయి. కరోనా మహమ్మారి ప్రబలుతున్న ప్రస్తుత పరిస్థితుల్లో ఇప్పటికే అమెరికాతో పాటు 30 దేశాల వరకు హైడ్రాక్సీక్లోరోక్వీన్ మాత్రలను సరఫరా చేసి వైరస్ పై పోరాటంలో తనవంతు పాత్రను పోషించింది. ఇక ఇప్పుడు మిత్రదేశంగా భావించి ఒమన్ కు కూడా ఆపన్నహస్తం అందించింది. ఒమన్ అభ్యర్ధన మేరకు ఆ దేశానికి పది లక్షల హైడ్రాక్సీక్లోరోక్వీన్ మాత్రలను సరఫరా చేసింది. దీంతో ఒమన్ ప్రభుత్వం సరైన సమయంలో మాత్రలు పంపించిన భారత్ సాయానికి ధన్యవాదాలు తెలిపింది.