దుబాయ్‌: కోవిడ్‌-19 నిబంధనల నుంచి కొంత ఉపశమనం కల్పిస్తూ దుబాయ్‌లో కొన్ని వెసులుబాట్లు కల్పిస్తున్నారు. అయితే, ఇంకా కొన్ని నిబంధనలు సేఫ్టీ మరియు హెల్త్‌ కోణంలో కొనసాగుతాయి. రెస్టారెంట్స్‌, కేఫ్‌లు ఇకపై తెరిచి వుంటాయి. అయితే, అక్కడ బఫే అలాగే షిషా మాత్రం అందుబాటులో వుండవు. ఔట్‌లెట్‌ సామర్థ్యంలో 30 శాతంమాత్రమే వినియోగదారులకు అవకాశం కల్పించాల్సి వుంటుంది. రెస్టారెంట్స్‌లో టేబుల్స్‌ మధ్య 2 మీటర్ల ఫిజికల్‌ డిస్టెన్స్‌ తప్పనిసరి. డైనర్స్‌ అలాగే స్టాఫ్‌ ఖచ్చితంగా మాస్క్‌లు ధరించాల్సి వుంటుంది. సింగిల్‌ యూజ్‌ కట్లెరీని ఉపయోగించాల్సి వుంటుంది రెస్టారెంట్స్‌. ఫుడ్‌ డెలివరీని రాత్రి 10 నుంచి ఉదయం 6 గంటల వరకు చేయొచ్చని రెస్టారెంట్స్‌కి సూచించారు.