మస్కట్:కరోనా వైరస్ సంక్షోభంతో ఉపాధి కొల్పోయిన బాధితులకు బాసటగా నిలిచారు సీబ్ పరిధిలోని అధికారులు. సీబ్ పరిధిలో ఉపాధి కొల్పోయిన బాధితులకు ఫుడ్ బాస్కెట్లను పంపిణీ చేశారు. సీబ్ గవర్నర్, సామాజిక అభివృద్ధి కమిటీ గత మూడు వారాలుగా దాదాపు 5,160 ఫుడ్ బాస్కెట్లను పంపిణీ చేసింది. కరోనా వైరస్ సంక్షోభం కారణంగా ఉపాధి కొల్పోయిన బాధితులకు తాము ఎల్లవేళలా సాయం చేస్తామని సీబ్ ప్రాంతంలోని షుర మండలి ప్రతినిధి హిలాల్ బిన్ హమద్ అల్ సర్మి తెలిపారు. సీబ్ ప్రాంతంలో దాదాపు 73 వేల మందికి  OMR 35,000 ఆర్ధిక సాయం చేసినట్లు ఆయన వివరించారు. అలాగే 16 వందల మందికి ఇఫ్తార్ మీల్స్ ను పంపిణీ చేసినట్లు తెలిపారు.