కువైట్:కోవిద్ 19 విస్తరణ నిరోధానికి కువైట్ మున్సిపాలిటీ మరో ముందడుగు వేసింది. ఇందులో భాగంగా నిత్యవసర వస్తువులు పంపిణీ చేసే సూపర్ మార్కెట్ ఉద్యోగులు తప్పక చేతి తొడుగులు, మాస్క్ లు ధరించాలని స్పష్టంచేసింది. ఈ సంస్థలు ఇకపై నేరుగా వినియోగదారుడికి  వస్తువుల్ని అమ్మకూడదని, ఫోన్ ఇతరత్రా ఎలక్ట్రానిక్ మాధ్యమాల ద్వారా వచ్చిన ఆర్డర్లకు మాత్రమే వస్తువులు విక్రయించాలన్నారు. 

ఇటీవల తాము విడుదల కార్యనిర్వాహక నిర్ణయం నెం.810 (2020) ప్రకారం నిత్యవసర వస్తువులు, ఇతరత్రా మార్కెట్ లు ఏమేరకు ఆరోగ్య పరంగా విధానాలను అనుసరిస్తున్నాయో తెలుసుకోడానికి నిఘా ఉంచుతామన్నారు. తాము తీసుకున్న నిర్ణయాలు, విడుదల చేసిన నిబంధనలు పాటించేలా  నిత్యావసర సంబంధిత వస్తువుల వ్యాపారాలు, ఆరోగ్య ముందు జాగ్రత్తలు తీసుకోవాలని కువైట్ మున్సిపాలిటీ ఆదేశించింది.