కువైట్‌ సిటీ: ఫర్వానియా సెక్యూరిటీ  సిబ్బంది, ఉల్లంఘనలకు పాల్పడిన కువైటీల డ్రైవింగ్‌ లైసెన్సులు, సివిల్‌ ఐడీలను స్వాధీనం చేసుకోవడం జరిగింది. ఈద్‌ అల్‌ ఫితర్‌ సెలవుల తొలి రోజున కర్‌ఫ్యూ నిబంధనల్ని ఉల్లంఘించిన కారణంగా ఈ చర్యలు తీసుకున్నారు. గవర్నరేట్‌లోని పలు ప్రాంతాల్లో సెక్యూరిటీని పెంచారు. ఉల్లంఘనులపై కఠిన చర్యలు తీసుకుంటామని ముందే హెచ్చరించిన అధికారులు, అందుకు తగ్గట్టుగా ఏర్పాట్లు చేశారు. కరోనా వైరస్‌ నేపథ్యంలో కువైట్‌ వ్యాప్తంగా కర్‌ఫ్యూ అమలవుతోంది. ఉల్లంఘనలకు పాల్పడ్డవారిలో చిన్నారులు కూడా వున్నారు. వారి తల్లిదండ్రులు పోలీస్‌ స్టేషన్‌కి రావాల్సిందిగా నోటీసులు ఇచ్చారు అధికారులు.