షార్జా ఎయిర్‌ పోర్ట్‌, విదేశాల్లో చిక్కుకుపోయిన యూఏఈ రెసిడెంట్స్‌కి స్వాగతం పలికేందుకు సర్వ సన్నద్ధంగా వుందని పేర్కొంది. హెల్త్‌ మరియు సేఫ్టీకి సంబంధించి అన్ని జాగ్రత్తలూ తీసుకున్నామనీ, ట్రావెలర్స్‌తోపాటు వినియోగదారులు అలాగే ఎంప్లాయీస్‌ భద్రత విషయంలో రాజీ పడే ప్రసక్తే లేదని అధికారులు పేర్కొన్నారు. కరోనా వైరస్‌ నేపథ్యంలో వివిధ దేశాల్లో చిక్కుకున్న యూఏఈ వాసులు తిరిగి వస్తున్న దరిమిలా, తగిన ప్రికాషన్స్‌ తీసుకుంటున్నట్లు షార్జా ఎయిర్‌ పోర్ట్‌ అథారిటీ ఛైర్మన్‌ అలి సలెమ్ అల్‌ మిద్ఫా చెప్పారు. నేషనల్‌ ఎమర్జన్సీ క్రైసిస్‌ అండ్‌ డిజాస్టర్‌ మేనేజ్‌మెంట్‌ అథారిటీ సూచనల మేరకు ఆయా జాగ్రత్తలు తీసుకున్నట్లు వివరించారు.

--బాలాజీ(మాగల్ఫ్ ప్రతినిధి,షార్జా)