మనామా:బహ్రెయినీ కోర్టు, ఆరుగురు వ్యక్తులకు 1,000 బహ్రెయినీ దినార్స్‌ చొప్పున జరీమానా విధించింది. హోం క్వారంటైన్‌ ఉల్లంఘనలకు నిందితులు పాల్పడినట్లు అభియోగాలు నిరూపించబడ్డాయి. మైనర్‌ క్రిమినల్‌ కోర్టు ఈ తీర్పు వెల్లడించింది. పబ్లిక్‌ హెల్త్‌ డైరెక్టరేట్‌ విజ్ఞప్తి మేరకు ప్రాసిక్యూషన్‌ నిందితుల్ని న్యాయస్థానం ముందుంచడం జరిగింది. పలుమార్లు నిందితులు నిబంధనల్ని ఉల్లంఘించి ఇంటి నుంచి బయటకు వచ్చినట్లు విచారణలో తేలింది. మరో కేసులో, డొమెస్టిక్‌ క్వారంటైన్‌ రూల్స్‌ని ఉల్లంఘించారంటూ 27 మందిపై పబ్లిక్‌ హెల్త్‌ డైరెక్టరేట్‌ కేసు నమోదు చేసింది.

--రాజేశ్వర్(మాగల్ఫ్ ప్రతినిధి,బహ్రెయిన్)