యూఏఈ క్యాబినెట్‌ కీలక నిర్ణయాలు తీసుకుంది. కరోనా వైరస్‌ నేపథ్యంలో నేషనల్‌ సెక్టార్‌కి సంబంధించిన పలు అంశాలపై ‘మద్దతు’ నిర్ణయాలు తీసుకోవడం జరిగింది. హజ్‌ మరియు ఉమ్రా సంబంధిత వ్యాపారాలకు లైసెన్సు రెన్యువల్‌ ఫీజు నుంచి ఉపశమనం కల్పిస్తూ ఓ కీలక నిర్ణయం తీసుకున్నారు. మార్చి 2020 నుంచి డిసెంబర్‌ 2020 వరకు ఫీజు నుండి ఉపశమనం కల్పించనున్నారు. హజ్‌ మరియు ఉమ్రా ఆపరేటర్స్‌పై ఆర్థిక భారాన్ని తగ్గించేందుకే ఈ చర్యలు చేపట్టారు. బోర్డ్‌ ఆఫ్‌ డైరెక్టర్స్‌ - ఫెడరల్‌ ట్యాక్స్‌ అథారిటీని రీ-స్ట్రక్చర్‌ చేయాలని కూడా క్యాబినెట్‌ తీర్మానించింది. దుబాయ్‌ డిప్యూటీ రూలర్‌ అలాగే మినిస్టర్‌ ఆఫ్‌ ఫైనాన్స్‌ షేక్‌ హమదాన్‌ బిన్‌ రషీద్‌ అల్‌ మక్తౌమ్ నేతృత్వంలో ఇది పనిచేస్తుంది. ఇంకా పలు కీలక నిర్ణయాల్ని ఈ క్యాబినెట్‌ సమావేశంలో తీసుకున్నారు.