దోహా:కరోనా సంక్షోభ ప్రభావం ఖతార్ ఎయిర్ వేస్ పై పడింది. మహమ్మారి నేపథ్యంలో విమానయానరంగం ఆర్ధికంగా ఒడిదుడుగులు ఎదుర్కుంటుండంతో సంస్థ ఖర్చులను తగ్గించుకునే పనిలో ఉంది ఖతార్ ఎయిర్ వేస్. ఇందులో భాగంగా కొందరు పైలెట్లను తొలగించింది. మరికొంత మంది సిబ్బంది వేతనాల్లో కోత విధించింది. అయితే..దీనికి సంబంధించి ఖతార్ ఎయిర్ వేస్ అధికారికంగా ఎలాంటి ప్రకటన చేయకున్న అంతర్గత ఆదేశాలు జారీ చేసినట్లు తెలుస్తోంది. సిబ్బంది, అధికారుల స్థాయిని బట్టి 15 నుంచి 25 శాతం వరకు వేతనాల్లో కోతలు విధించింది. ఇదిలాఉంటే ఏప్రిల్ నుంచి జూన్ వరకు సిబ్బంది వేతనాల్లో సగమే చెల్లించినా ఆ తర్వాత బకాయిలను తిరిగి ఇచ్చింది. అయితే..పరిస్థితులు చక్కబడకపోవటంతో 40 వేల మంది సంస్థ సిబ్బందిలో 20 శాతం ఉద్యోగులను తొలగించనుంది.