అబుధాబి: అబుధాబిని వీడి వెళ్ళాలనుకునే రెసిడెంట్స్‌కి ఇకపై ఎలాంటి పర్మిట్‌ అవసరం లేదని అథారిటీస్‌ వెల్లడించాయి. ఈ విషయాన్ని అబుధాబి మీడియా ఆఫీస్‌ ఓ ట్వీట్‌ ద్వారా వెల్లడించింది. కాగా, అబుదాబీలోకి వచ్చేవారికి మాత్రం పరిమితులు వుంటాయి. పర్మిట్‌ విధానం ద్వారా మాత్రమే ప్రవేశానికి అవకాశం కల్పిస్తారు. అబుధాబి పోలీస్‌ ఈ మేరకు పర్మిట్స్‌ని జారీ చేస్తారు. అబుధాబి రీజియన్స్‌ (అబుధాబి, అల్‌ అయిన్‌ మరియు అల్‌ దఫ్రా) మధ్య పర్మిట్‌ సిస్టమ్స్ ద్వారా రాకపోకలుంటాయి. నేషనల్‌ స్టెరిలైజేషన్‌ ప్రోగ్రామ్ టైమింగ్స్‌ బట్టి రాకపోకలకు అనుమతివ్వడం జరుగుతుంది. అబుధాబి ఎమిరేట్‌లోకి ఎంట్రీ మరియు ఎగ్జిట్‌కి సంబంధించి వర్కర్స్‌పై నిషేధం కొనసాగుతుంది. https://es.adpolice.gov.ae/en/movepermit వెబ్‌సైట్‌ ద్వారా పర్మిట్‌ని పొందవచ్చు.