కువైట్:కరోనా కట్టడి కోసం ప్రభుత్వం కట్టుదిట్టమైన చర్యలు తీసుకుంటుంటే..కొందరు ప్రజలు మాత్రం ప్రభుత్వ ఆదేశాలను బేఖాతరు చేస్తున్నారు. కర్ఫ్యూ నిబంధనలను కూడా ఉల్లంఘిస్తున్నారు. జూన్ 26న మొత్తం 18 మంది కర్ఫ్యూ ఆంక్షలను ఉల్లంఘించటంతో వారిని పోలీసులు అరెస్ట్ చేశారు. ఇందులో 15 మంది కువైతీలు ఉండగా..ముగ్గురు ప్రవాసీయులు ఉన్నారు. రాజధాని నగరంలో ఏడుగురు, హవాల్లీలో ఐదుగురు, ముబారక్ అల్ కబీర్ లో ఒకరు, అహ్మదిలో నలుగురు, జహ్రలో ఒకరు కర్ఫ్యూ నిబంధనలను ఉల్లంఘించినట్లు పోలీసులు వెల్లడించారు. పట్టుబడిన వాళ్లందరిపై న్యాయపరమైన చర్యలు తీసుకుంటామని వెల్లడించారు.