సౌదీ అరేబియా:పలు మార్కెట్లు, షాపులలో నిబంధనలు పాటించటం లేదని ఫిర్యాదులు వెల్లువెత్తటంతో వాణిజ్య మంత్రిత్వ శాఖ ముమ్మర తనిఖీలు చేపట్టింది. తబుక్ ప్రాంతంలోని పలు రిటైల్ షాపులు, మార్కెట్లు, ఫార్మసిస్, స్టీల్, సిమెంట్, బిల్డింగ్ మెటీరియల్స్, పెట్రోల్ స్టేషన్స్ లలో తనిఖీలు చేపట్టింది. వాస్తవ ధరల కంటే అధిక ధరలకు విక్రయించటం, కృత్రిమ కొరత సృష్టించటం వంటి నిబంధనలు ఉల్లంఘించిన వారికి జరిమానాలు విధించారు. మొత్తం 1,590 చోట్ల తనిఖీలు చేపట్టగా..నిబంధనలు పాటించని 161 మందికి అక్కడిక్కడే జరిమానాలు విధించారు. అలాగే ఖస్సిమ్ ప్రాంతంలోని షాపులు, మార్కెట్లలో 8,700 చోట్ల తనిఖీలు నిర్వహించి 418 మందికి ఫైన్లు విధించారు.