మస్కట్:ఒమన్ లోని సోహర్ విలాయత్ లో పబ్లిక్ పార్కులు అభివృద్ధికి సోహార్ మున్సిపాలిటి, ఓక్యూ కంపెనీ, జుసూర్ కార్పోరేషన్ మధ్య కీలక ఒప్పందం కుదిరింది. ఈ మేరకు ఒప్పంద పత్రాలపై సంబంధిత అధికారులు సంతకాలు కూడా చేశారు. సోహార్ ప్రాంతంలోని పబ్లిక్ పార్కులు, గార్డెన్లను అభివృద్ధి చేయటం ఈ ఒప్పందం లక్ష్యం. సోహార్ మున్సిపాలిటి పరిధిలోని కుటుంబాల రిక్రియేషన్ కోసం నగరంలో పచ్చదనం పెంచటం, అలాగే పర్యాటకులను ఆకర్షించేందుకు పార్కులను అభివృద్ధి చేయాలని సోహర్ మున్సిపాలిటి ఉద్దేశం. అలాగే అభివృద్ధి చేసిన పార్కులను టూరిస్ట్ స్పాట్లు, రిక్రియేషన్ సైట్ల జాబితాలో చేర్చనున్నారు.