అబుధాబి:మోడిఫై కార్లతో పెద్దగా శబ్ధాలు వచ్చేలా డ్రైవింగ్ చేస్తూ న్యూసెన్స్ చేస్తున్న వాహనదారులపై యూఏఈ పోలీసులు కొరఢా ఝుళిపించారు. పోయిన ఏడాది ఏకంగా 11 వేల మంది వాహనదారులకు జరిమానా విధించారు. కంపెనీ కార్లకు కొత్త సైలెన్సర్లను బిగించి పెద్ద పెద్ద శబ్ధాలు వచ్చేలా రోడ్లపై రయ్యిమంటూ దూసుకెళ్లటం కుర్రకారుకు షోకుగా మారిపోయింది. అలాగే మోడిఫై కార్లతో రేస్ లలో పాల్గొంటున్నట్లు కూడా అధికారులు గుర్తించారు. ఇలా ప్రధాన రహదారులు, నివాసిత ప్రాంతాల మధ్య న్యూసెన్స్ చేస్తున్న వాహనదారులకు ఒక్కొక్కరికి Dh2,000 జరిమానా 12 బ్లాక్ ట్రాఫిక్ పాయింట్స్ విధించారు పోలీసులు. అలాగే హారన్ సౌండ్ ను పెంచి పాదచారులను అదరగొట్టేలా న్యూసెన్స్ చేస్తున్న వారికి Dh400 జరిమానా 4 బ్లాక్ ట్రాఫిక్ పాయింట్స్ విధించారు.