అబుధాబి:అబుధాబి డిపార్ట్‌మెంట్‌ ఆఫ్‌ హెల్త్‌, 5000 వాలంటీర్లు మూడో ఫేజ్‌ క్లినికల్‌ ట్రయల్స్‌ నిమిత్తం రిజిస్ట్రేషన్‌ చేసుకున్నట్లు వెల్లడించింది. కోవిడ్‌ 19 వ్యాక్సిన్‌ పరిశోధనల నిమిత్తం ఈ రిజిస్ట్రేషన్‌కి అనుమతినిచ్చారు. 4హ్యామానిటీ వెబ్‌సైట్‌లో రిజిస్ట్రేషన్‌ చేసుకోవడానికి వీలు కల్పించారు. రిజిస్టర్‌ చేయించుకున్నవారికి ‘కృతజ్ఞతలు’ తెలుపుతూ వెబ్‌సైట్‌ మెసేజ్‌ పంపుతోంది. కీలకమైన మూడో ఫేజ్‌ ట్రయల్స్‌లో పాల్గొనేందుకు స్వచ్ఛందంగా ముందుకు వచ్చినవారిని అభినందిస్తున్నట్లు సంస్థ పేర్కొంది. కరోనాపై పోరులో ఇది కీలకమైన ముందడుగు అని నిర్వాహకులు అభిప్రాయపడుతున్నారు. అంతర్జాతీయ గైడ్‌లైన్స్‌కి అనుగుణంగా ఈ పరీక్షలు జరుగుతున్నాయి.