కువైట్ విమానాశ్రయం సమీపంలో భారీ అగ్నిప్రమాదం సంభవించింది.ఆహార పదార్ధాలు సరఫరా చేసే ఓ బిల్డింగ్ పెద్ద ఎత్తున మంటలు చెలరేగాయి. బిల్డింగ్ దాదాపు 4000 చదరపు అడుగులు విస్తరించి ఉంది. ప్రమాదం చోటు చేసుకున్న సమయంలో పెద్ద ఎత్తున అహారా పదార్ధాల బాక్సలు ఉన్నాయి. అయితే..బిల్డింగ్ లో మంటలు చెలరేగాయని సమాచారం అందిన రెండు నిమిషాల్లోనే అగ్నిమాపక సిబ్బంది ఘటనా స్థలానికి చేరుకొని సహాయక చర్యలు ప్రారంభించారు. ఓ వైపు మంటలను అదుపులోకి తీసుకొచ్చే ప్రయత్నాలు చేస్తూనే..మరోవైపు గంట సమయంలోనే బిల్డింగ్ ఖాళీ చేశారు. దీంతో ప్రమాద తీవ్రత తగ్గింది. ఇదిలాఉంటే అగ్నిప్రమాదం విమానాశ్రయం సమీపంలో చోటు చేసుకోవటంతో కొద్దిమేర ఆందోళన కలిగించినా..విమానాల రాకపోకలకు ఎలాంటి అవాంతరాలు ఏర్పడలేదు.