బహ్రెయిన్: తెలంగాణా లోని జగిత్యాల జిల్లా, కోరుట్ల మండలం, వెంకటపూర్ గ్రామానికి చెందిన పిట్టల నవీన్ ఈనెల 12/7/2020 న అప్పుల బాధలు తట్టుకోలేక ఊరి వేసుకొని చనిపోయాడు. విషయం తెలుసుకున్న కంపెనీ యాజమాన్యం హుటాహుటిన సంఘటనా స్థలానికి చేరుకొని అన్ని కార్యక్రమాలు పూర్తిచేసి మృతదేహాన్ని పోస్టుమార్టం కు పంపియడం జరిగింది. తన తోటి కార్మికులతో కలివిడిగా ఉండి మన్నలను పొందిన నవీన్ ఇలా అకాల మరణం చెందడం చాలా బాధాకరం అని కంపెనీ యాజమాన్యం తెలిపింది. యాజమాన్యం చొరవతో బహ్రెయిన్ గల్ఫ్ జెఏసి గ్రూప్ సభ్యులు (బండి వేణు గౌడ్, పొన్నం సంతోష్ గౌడ్, నర్సింగ్ తదితరులు) నవీన్ మృతదేహాన్ని తన స్వగ్రామానికి చేర్చడం జరిగింది. 

-- రాజేశ్వర్ (మాగల్ఫ్ ప్రతినిధి, బహ్రెయిన్)