ఒమన్‌ ఎయిర్‌, మార్చి 28 నుంచి 30 జూన్‌ వరకు మొత్తం 61 ప్రత్యేక విమానాల్ని నడిపింది. విదేశాల్లో చిక్కుకుపోయిన ఒమన్‌ పౌరులు, రెసిడెంట్స్‌ని రప్పించడానికి.. అలాగే, ఒమన్‌లో చిక్కుకుపోయిన ఇతర దేశాలకు చెందినవారిని స్వదేశాలకు చేర్చడానికీ ఈ విమానాల్ని నడుపుతున్నారు. కాగా, ముందు ముందు మరిన్ని విమానాల్ని నడుపుతామని ఒమన్‌ ఎయిర్‌ వెల్లడించింది. కైరో, ప్యారిస్‌, బ్యాంకాక్‌, దుబాయ్‌ మరియు రియాద్‌లకు విమాన సర్వీసుల్ని ప్రత్యేక అవసరాల నిమిత్తం నడుపుతున్నారు. మస్కట్‌ నుంచి ఖసబ్‌ మధ్య మూడు వీక్లీ రౌండ్‌ ట్రిప్‌ విమాన సర్వీసులు నడుస్తున్నాయి. ప్రపంచంలోని వివిధ దేశాల్లోని డెస్టినేషన్స్‌కి విమానాలు నడిపేందుకు సిద్ధంగా వున్నట్లు ఒమన్‌ ఎయిర్‌ పేర్కొంది.