ఇస్లామిక్ వార్షిక తొలి సెలవు రోజులను సౌదీ అరేబియా ఖరారు చేసింది. రాబోయే గురువారం(జులై 30)న అరాఫత్ రోజు వస్తుందని, ఆ మరుసటి రోజున ఈద్ అల్ అధా సందర్భంగా సెలవులను ఖరారు చేసింది సౌదీ అరేబియా సుప్రీం కోర్టు. ప్రభుత్వ, పబ్లిక్ రంగాలతో పాటు ప్రైవేట్ సంస్థలు కూడా సెలవు రోజులను పాటించాలని సూచించింది. సౌదీ అరేబియా సుప్రీం కోర్టు ప్రకటించిన వివరాల మేరకు అన్ని ప్రైవేట్ సంస్థల్లోని ఉద్యోగులకు జులై 30 నుంచి ఆగస్ట్ 2 వరకు నాలుగు రోజులు సెలవులు రానున్నాయి. ఇక పబ్లిక్ సెక్టార్ ఉద్యోగులకు రెండు వారాలు సెలవులు ఉంటాయి. జులై 24 నుంచి ఆగస్ట్ 8 వరకు హాలీడే ఉంటుంది. తిరిగి ఆగస్ట్ 9న విధులకు హజరవుతారు.