కరోనా వైరస్ ప్రపంచంలో రోజు రోజుకు పెరిగిపోతున్నది. కేసుల సంఖ్య పెరుగుతున్నాయి. చాలా దేశాల్లో కరోనా తీవ్రత తగ్గినట్టే తగ్గి తిరిగి పెరుగుతున్నది. కరోనా వైరస్ రూపాంతరం చెందటం వలనే కేసులు పెరుగుతున్నాయని శాస్త్రవేత్తలు చెప్తున్నారు. కరోనా వైరస్ గాలిలో వ్యాపించే విధంగా రూపాంతరం చెందినట్టు శాస్త్రవేత్తలు తెలియజేస్తున్నారు. 239 మంది శాస్త్రవేత్తలు ఇప్పటికే ప్రపంచ ఆరోగ్య సంస్థకు దీనిపై లేఖలు రాసిన సంగతి తెలిసిందే.

గాలి ద్వారా కరోనా వ్యాప్తి చెందుతుండటంతో సిఎస్ఐఆర్ కొన్ని సూచనలు చేసింది. కేవలం బయటకు వెళ్ళినపుడే కాకుండా ఆఫీస్ లో ఉండే సమయంలో కూడా తప్పనిసరిగా మాస్కులు ధరించాలని సూచించింది. తక్కువ స్పేస్ లో ఎక్కువ మంది ఉండకుండా చూసుకోవాలని, కార్యాలయాల్లో వెలుతురు ఉండేలా చూసుకోవాలని సూచించింది. సాధ్యమైనంత వరకు రద్దీ ఉండే ప్రాంతాల్లోకి వెళ్లోద్దని సూచించింది సిఎస్ఐఆర్.