అబుధాబి:ఈద్‌ అల్‌ అదా నేపథ్యంలో పిల్లలు ఫైర్‌ వర్క్స్‌తో ప్రమాదానికి గురయ్యే అవకాశముందనీ, ఈ నేపథ్యంలో తల్లిదండ్రులు అప్రమత్తంగా వుండాలని అబుధాబి పోలీస్‌ హెచ్చరికలు జారీ చేయడం జరిగింది. ఫైర్‌ వర్క్స్‌తో పిల్లలకే కాక ఇతరులకూ ప్రమాదం వాటిల్లే అవకాశం వుందని అబుధాబి పోలీస్‌ పేర్కొంది. నిబంధనల్ని అతిక్రమించి అమ్మకాలు జరిపే బాణా సంచా దుకాణాలపైనా చర్యలు తీసుకుంటామని అబుధాబి పోలీస్‌ హెచ్చరించడం జరిగింది. లైసెన్స్‌ లేకుండా ఫైర్‌వర్క్స్‌ విక్రయిస్తే ఆరు నెలలకు తక్కువ కాకుండా జైలు శిక్ష, 10,000 దిర్హామ్ల జరీమానా విధిస్తారు.