హైదరాబాద్:గ్రీన్ ఇండియా ఛాలెంజ్ లో  భాగంగా మొక్కలు నాటిన మిమిక్రీ ఆర్టిస్ట్, నటుడు శివారెడ్డి. ఈరోజు గ్రీన్ ఇండియా ఛాలెంజ్ లో భాగంగా మణి కొండ లోని తన  నివాసంలో మూడు మొక్కలు నాటారు. ఈ సందర్భంగా ఆయన మాట్లాడుతూ, రాజ్య సభ సభ్యులు జోగినపల్లి సంతోష్ కుమార్ గారు చేపట్టిన ఈ కార్యక్రమం ఒక యుద్దంలా పర్యావరణ ప్రేమికులు  అంతా ముందుకు తీసుకెళ్తున్నారు అని తెలిపారు. ఇంతటి కార్యక్రమం లో తననూ భాగస్వామిని చేసిన, మేడ్చల్ జిల్లా కలెక్టర్ గారికి కృతజ్ఞతలు తెలిపారు.
అదే విధంగా , ఈ ఛాలెంజ్ ను ముందుకు తీసుకు పోవడంలో భాగంగా , హాస్యనటుడు ఆలీ, కరీంనగర్ పోలీస్ కమీషనర్ కమలహాసన్ రెడ్డి, బర్నింగ్ స్టార్ సంపూర్ణేష్ బాబు, పాటల రచయిత కాసర్ల శ్యామ్ మరియు తన సోదరుడు కళాకారుడు సంపత్ కు మూడు మొక్కలు నాటే ఛాలెంజ్ విసిరారు.