యూఏఈ పబ్లిక్‌ ప్రాసిక్యూషన్‌, మాస్క్‌లు లేకుండా బయట తిరిగితే జరీమానా తప్పదని పౌరులు, రెసిడెంట్స్‌ని హెచ్చరించడం జరిగింది. ఇండోర్‌ పబ్లిక్‌ స్పేసెస్‌ లేదా షాపింగ్‌ సెంటర్స్‌ని సందర్శించే క్రమంలో మాస్క్‌ లేకపోతే జరీమానా విధిస్తారు. పబ్లిక్‌ ట్రాన్స్‌పోర్ట్‌ వినియోగించేటప్పుడూ మాస్క్‌ ధరించడం తప్పనిసరి. పబ్లిక్‌ ప్రాంతాల్లో సంచరించేటప్పుడూ మాస్క్‌ ధరించాల్సిందే. ప్రైవేటు వాహనాల్లో వెళుతున్న సమయంలో ఇద్దరు లేదా అంతకు మించి ప్రయాణీకులు (ఒకే కుటుంబానికి చెందినవారు కాకుండా) వుంటే మాస్క్‌ తప్పనిసరిగా ధరించాల్సి వుంటుంది. స్మోకింగ్‌ వంటి సాకులు చూపాలనుకున్నా జరీమానా నుంచి తప్పించుకోవడానికి వీలుండదు. మాస్క్ ధరించనివారికి 3,000 దిర్హామ్ జరీమానా విధించడం జరుగుతుంది.