బహ్రెయిన్: నేషనాలిటీ పాస్‌పోర్ట్స్‌ అండ్‌ రెసిడెన్స్‌ ఎఫైర్స్‌ (ఎన్‌పిఆర్‌ఎ), ముహరాక్‌ సెక్యూరిటీ కాంప్లెక్స్‌లో తమ కార్యాలయ పునఃప్రారంభంపై ప్రకటన చేసింది. ఆదివారం ఈ కార్యాలయం ప్రారంభమవుతుందనీ, రెసిడెన్సీ స్టిక్కర్‌ సర్వీస్‌ కోసం మాత్రమే ఈ కార్యాలయాన్ని పునఃప్రారంభిస్తున్నామని పేర్కొంది. ఉదయం 8 గంటల నుంచి మధ్యాహ్నం 2 గంటల వరకు ఈ కార్యాలయం తెరిచి వుంటుంది. కరోనా వైరస్‌ నేపథ్యంలో సోషల్‌ డిస్టెన్సింగ్‌ సహా అనేక జాగ్రత్తలు‌ తీసుకుంటున్నారు. ముందుగా స్కిప్లినో మొబైల్‌ యాప్‌ ద్వారా బుక్‌ చేసుకున్న అపాయింట్‌మెంట్లను బట్టి ఖాతాదారులకు అవకాశం కల్పిస్తారు. ప్రతి ఒక్కరూ మాస్క్‌ ధరించాలని ఈ సందర్భంగా అధికారులు సూచించారు.