కువైట్: మార్చి 13కి ముందు జారీ చేసిన వీసాలన్నీ రద్దు చేయబడినట్లు అధికారులు ప్రకటించారు. అలాంటి వీసాలను పొందినవారు, కొత్త ప్రొసిడ్యూర్స్‌కి అనుగుణంగా సబ్‌మిట్‌ చేయాల్సి వుంటుంది. మినిస్ట్రీ ఆఫ్‌ ఇంటీరియర్‌, మార్చి 13కి ముందు జారీ చేసిన వీసాల వేలిడిటీపై లీగల్‌ ఒపీనియన్‌ తీసుకోవడం జరిగింది. విదేశాల్లో చిక్కుకుపోయినవారు దేశంలోకి ఎంటర్‌ అయ్యేందుకు ఈ వీసాలు ఇకపై ఉపకరించవు. గడువు తీరిన నేపథ్యంలో అవి ఉపయోగపడవని మినిస్ట్రీ చెబుతోంది. ఫ్యామిలీ, టూరిస్ట్‌, కమర్షియల్‌ మరియు గవర్నమెంటల్‌ విజిట్స్‌కి సంబంధించిన వీసాలు ఇందులో వున్నాయి. అథారిటీస్‌ అతి త్వరలో కొత్త మెకానిజంని కొత్త వీసాల దరఖాస్తు కోసం ప్రకటించే అవకాశం వుంది.