ఒమాన్: కార్‌ వ్రాపింగ్‌ లేదా ఇతర మార్పులకు సంబంధించి వాహనదారులు అనుమతి పొందాల్సి వుంటుందని రాయల్‌ ఒమన్‌ పోలీస్‌ స్పష్టం చేసింది. కార్ల ప్రేమికులు, తమ వాహనాల్ని వినైల్‌ ద్వారా ర్యాప్‌ చేయడం, ఒరిజినల్‌ పెయింటింగ్‌ స్థానంలో మార్పులు చేయడం వంటివి ఇటీవలి కాలంలో బాగా పెరిగాయి. షేప్‌, కలర్‌ లేదా కారుకి సంబంధించిన స్పెసిఫికేషన్స్‌లో ఏమైనా మార్పులు జరిగితే, అందుకు తగ్గ అనుమతులు పొందాల్సిందేనని ట్రాఫిక్‌ డిపార్ట్‌మెంట్‌ సీనియర్‌ అధికారి స్పష్టం చేశారు. ముందస్తుగా అనుమతి తీసుకుని మాత్రమే మార్పులు చేయాల్సి వుంటుందని అధికారులు పేర్కొన్నారు.