న్యూ ఢిల్లీ:IPL 2020 స్పాన్సర్ల కోసం BCCI త్వరలోనే టెండర్ ప్రక్రియ ద్వారా బిడ్లను ఆహ్వానించనుంది. IPL 13వ ఎడిషన్‌కు వీవో టైటిల్ స్పాన్సర్‌గా నిష్క్రమించినట్లు అధికారికంగా ధ్రువీకరించిన తర్వాత ఈ నిర్ణయం తీసుకుంది. కొత్త స్పాన్సర్‌ను నియమించేటప్పుడు బోర్డు తగిన శ్రద్ధవహిస్తుందని, పారదర్శకతను అనుసరిస్తుందని BCCI సభ్యుడు ఒకరు తెలిపారు. 

BCCI త్వరలో ITB (ఇన్విటేషన్‌ టు బిడ్‌)తో ముందుకు వస్తున్నది. బోర్డు పారదర్శకతను పాటించేందుకు టెండర్ ప్రక్రియను అనుసరిస్తోంది.అని ఆయన పేర్కొన్నారు.ITB కింద విజేత బిడ్డర్‌కు ఈ ఏడాది IPL సీజన్‌కు టైటిల్ స్పాన్సర్‌షిప్ హక్కులు లభిస్తాయి.IPL సెప్టెంబర్ 19 నుంచి నవంబర్ 10 వరకు యూఏఈలో జరుగనుంది.