బహ్రెయిన్: మనామాలోని కింగ్ హమద్ హైవేపై చేపట్టిన అభివృద్ధి పనులతో జాతీయ రహదారి మీదుగా వెళ్లే ట్రాఫిక్ పై ఆంక్షలు విధించింది మున్సిపల్ వ్యవహారాలు, పట్టణ ప్రాణాళిక మంత్రిత్వ శాఖ. కింగ్ హమద్ జాతీయ రహదారిలోని హైవే 96, హవర్ హైవే (అస్కర్ జంక్షన్) మధ్య రహదారి ఇరు వైపుల ఓ లేన్ మూసివేస్తున్నట్లు వెల్లడించింది. దక్షిణం దిశగా వెళ్లే రహదారిలో కుడి లేన్ ను మూసివేస్తున్నట్లు మంత్రిత్వ శాఖ అధికారులు వెల్లడించారు. అయితే..ఓ లేన్ ను మాత్రం వాహనదారులకు అందుబాటులో ఉండనుంది. అలాగే ఉత్తరం దిశగా వెళ్లే రహదారిలో కూడా కుడిలైన్ ను మూసివేసి..మరో లేన్ లో వాహనదారులను అనుమతించనున్నారు. కింగ్ హమద్ జాతీయ రహదారి మీదుగా ప్రయాణించే వాహనదారులు ఈ ఆంక్షలను గమనించాలని మంత్రిత్వ శాఖ కోరింది.