ఒమన్ లో ప్రవాసీయుల సంఖ్య రోజు రోజుకీ తగ్గుతూ వస్తోంది. ఒమనైజేషన్ లో భాగంగా గతంలో కంటే స్థానికులకే ఎక్కువ ప్రధాన్యం ఇస్తుండటంతో ఒమన్ లో బతుకుదెరువు కోసం వచ్చే వారి సంఖ్య ఈ ఏడాది గణనీయంగా తగ్గింది. గతేడాదితో పోలిస్తే ఈ ఏడాది తొలి అర్ధ వార్షికంలో ఒమన్ లోని ప్రవాసీయుల రేటు 9.3 శాతానికి తగ్గింది. దీంతో ప్రస్తుతం ఒమన్ లోని ప్రవాసీయుల సంఖ్య 15,89,883కి తగ్గింది.  జాతీయ గణాంకాలు, సమాచార కేంద్రం దగ్గరున్న వివరాల మేరకు గతంతో పోలీస్తే ప్రస్తుత ఏడాది ప్రవాసీయుల సంఖ్య తగ్గుతున్నట్లు స్పష్టం అవుతోంది. ఒమనైజేషన్ తో పాటు కరోనా సంక్షోభ ప్రభావం కూడా విదేశీయుల రాకపై ఎఫెక్ట్ చూపించి ఉండొచ్చని అంచనా వేస్తున్నారు.