దోహా:కరోనా ఎఫెక్ట్ నుంచి ఇప్పుడిప్పుడే కోలుకుంటున్న ఖతార్..ఇక స్కూల్స్ ప్రారంభంపై ఫోకస్ చేసింది.ఖతార్ పబ్లిక్ స్కూల్స్ లో అడ్మిషన్స్ ను ప్రారంభించింది.స్కూల్స్ లో అడ్మిషన్ కావాలన్నా..ట్రాన్స్ ఫర్ కావాలన్నా ఈ నెల 23 నుంచి ఆన్ లైన్ లో దరఖాస్తు చేసుకోవాలని ఉన్నత విద్యా మంత్రిత్వ శాఖ సూచించింది. పబ్లిక్ స్కూల్స్ లో తమ పిల్లలకు అడ్మిషన్ కావాలనుకునే తల్లిదండ్రలు పబ్లిక్ సర్వీస్ పోర్టల్ ద్వారా ఎన్ రోల్మెంట్ ప్రాసెస్ ను పూర్తి చేయాలి. దరఖాస్తు పూర్తి చేయటానికి అప్లికేషన్ తో పాటు మెడికల్ సర్టిఫికెట్ అలాగే అడ్మిషన్ కు అవసరమైన సర్టిఫికెట్లను అప్ లోడ్ చేయాల్సి ఉంటుంది. అడ్మిషన్స్ విద్యార్ధి అర్హుడో కాదో నిర్ధారించేందుకు గుర్తింపు పొందిన హెల్త్ సెంటర్ల నుంచి తీసుకున్న మెడికల్ సర్టిఫికెట్లను అప్ లోడ్ చేయాలని విద్యాశాఖ అధికారులు వెల్లడించారు.

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)