రియాద్‌: సౌదీ రైల్వేస్‌ కంపెనీ (ఎస్‌ఎఆర్‌), ఇంటర్నేషనల్‌ సేఫ్టీ అవార్డ్‌ని 2020 సంవత్సరానికిగాను అందుకుంది. బ్రిటిష్‌ సేఫ్టీ కౌన్సిల్‌ ఈ అవార్డుని ప్రకటించడం జరిగింది. వరుసగా రెండో ఏడాది ఈ అవార్డుని ఎస్‌ఎఆర్‌ అందుకోవడం గమనార్హం. ఎస్‌ఎఆర్‌ సీఈఓ బషార్‌ బిన్‌ ఖాలిద్‌ అల్‌ మాలిక్‌ మాట్లాడుతూ, అత్యున్నతస్థాయి సేఫ్టీ స్టాండర్డ్స్‌ని పాటిస్తున్నట్లు చెప్పారు. మేనేజ్‌మెంట్‌, ఆపరేషన్‌ అలాగే మెయింటెనెన్స్‌ విభాగాల్లో అత్యంత సమర్థవంతంగా పనిచేస్తున్నామని అన్నారు. ఈ అవార్డుని గెలుచుకోవడం ఆనందంగా వుందని, హెల్త్‌ మరియు సేఫ్టీ మెజర్స్‌ విషయంలో మరింత సమర్థవంతంగా పనిచేస్తామని చెప్పారు.