ఫుజైరా మెడికల్ జోన్ పరిధిలోని మిర్బాలో కోవిడ్ 19 ఉచిత పరీక్షా కేంద్రాన్ని ప్రారంభించారు. ఈ పరీక్షా కేంద్రంలో యూఏఈలోని పౌరులు, నివాసితులు అందరికీ ఫ్రీకా కరోనా నిర్ధారణ పరీక్షలను నిర్వహించనున్నారు. ఫైజైరా విపత్తుల నిర్వహణ విభాగం, ఫుజైరా పోలీసుల సహకారంతో పరీక్షా కేంద్రాన్ని నిర్వహిస్తున్నట్లు ఫుజైరా సుప్రీం కౌన్సిల్ మెంబర్ హెచ్.హెచ్. షేక్ అహ్మద్ బిన్ మొహమ్మద్ అల్ షర్కి వెల్లడించారు. అంతేకాదు..యూఏఈ ఆరోగ్య శాఖ కూడా ఫుజైరా పాలకులకు తగిన సాయం అందిస్తోంది. ఎమిరాతి పరిధిలోని పరీక్ష కేంద్రాలకు నిర్వహణకు అవసరమైన అధునాతన వైద్య పరికరాలు, నర్సింగ్, పరిపాలన సిబ్బందిని అబుధాబి హెల్త్ సర్వీస్ కంపెనీ నుంచి తరలిస్తోంది.