కువైట్ సిటీ:పబ్లిక్‌ అథారిటీ ఫర్‌ మేన్‌ పవర్‌, ఫ్యామిలీ వీసా కలిగిన ప్రయాణీకులకు వర్మ్‌ పర్మిట్‌ ఇచ్చేది లేదని స్పష్టం చేసింది. ఫ్యామిలీ వీసాలతో వచ్చి, వర్క్‌ పర్మిట్స్‌ పొందాలనుకునేవారికి ఇది నిజంగానే చేదు వార్త. కాగా, 18 ఏళ్ళ వయసు పైబడిన కుటుంబ సభ్యులు డిపెండెడ్‌ వీసా కలిగి వుంటే, దాన్ని పొడిగించే అవకాశం లేదు. స్టడీస్‌ పూర్తి చేసుకున్న 18 ఏళ్ళ పైబడిన వారు దేశం విడిచి వెళ్ళాల్సి వుంటుంది. కువైట్‌లో యూనివర్సిటీ స్టడీస్‌ చేస్తున్నవారికి మాత్రం మినహాయింపునిస్తారు. దీనికి సంబంధించి పబ్లిక్‌ అథారిటీ ఫర్‌ మేన్‌ పవర్‌ ఓ సర్క్యులర్‌ని జారీ చేసే అవకాశం వుంది.