రియాద్:సౌత్ వెస్ట్ సౌదీ అరేబియాలోని అసిర్ ప్రాంతంలో కరోనా వ్యాప్తి నియంత్రణ జాగ్రత్తలను పాటించని షాపింగ్ మాల్స్ పై అధికారులు చర్యలు తీసుకున్నారు. మొత్తం 29 షాపింగ్ మాల్స్ ను సీజ్ చేశారు. సౌదీ మార్గనిర్దేశకాల ప్రకారం మాల్ సిబ్బందికి డిసిన్ఫెక్షన్, సానిటైజర్ వసతి కల్పించాలని, అలాగే సిబ్బందికి వినియోగదారులకు టెంపరేచర్ చెక్ చేయాలని  అసిర్ రిజియన్ మేయర్ డాక్టర్ వలిద్ అల్ హమిది వివరించారు. అలాగే షాపింగ్ మాల్స్ లోని ట్రాలీలు, బాస్కెట్లను తరచు శానిటైజ్ చేయాలని ఆయన అన్నారు. పిల్లల ఆటప్రాంగణాన్ని మూసివేయాలన్నారు. అంతేకాదు..షాపింగ్ మాల్ సిబ్బంది మాల్స్ లోగానీ, బయటగానీ పరిమితికి మించి ఒకే చోట గుమికూడొద్దని, ఒక వేళ పరిమితికి మించి ఒకే చోట చేరితే ప్రతి వ్యక్తికి 5000 రియాల్స్ నుంచి లక్ష రియాల్స్ వరకు జరిమానా విధిస్తామని ఆయన హెచ్చరించారు.