యూఏఈ:యూఏఈ వెళ్లాలనుకుంటున్న వారికి సులభంగా అనుమతి పొందేలా యూఏఈ పౌర గుర్తింపు అధికార విభాగం చర్యలు చేపట్టింది. ఎంట్రీ పర్మిట్ కోసం దరఖాస్తులను సులభతరం చేస్తూ ఆన్ లైన్ విధానాన్ని అందుబాటులోకి తీసుకొచ్చింది. ఐసీఏ అధికార వెబ్ సైట్ http://ica.gov.aeద్వారాగానీ, లేదంటే స్మార్ట్ ఫోన్ యాప్ ద్వారాగానీ దరఖాస్తు చేసుకొని, ఫీజు చెల్లించి, ఈ మెయిల్ ద్వారా ఎంట్రీ పర్మిట్ పొందవచ్చని అధికారులు వెల్లడించారు. అయితే..దరఖాస్తు సమయంలో జాగ్రత్తగా వివరాలు నమోదు చేయాలని కూడా సూచించింది. ఫోన్ నెంబర్, ఈ మెయిల్ అడ్రస్ తో పాటు ఐడీ కార్డు నెంబర్, ఎక్స్ పైరీ డేట్ లను ఒకటికి రెండు సార్లు చెక్ చేసుకోవాలని అధికారులు తెలిపారు. దరఖాస్త ఫాంలో పొందుపరిచే వివరాల ఆధారంగా వారి దరఖాస్తులను పరిశీలించి అనుమతి ఇవ్వాలా, తిరస్కరించాలో ఐసీఏ నిర్ణయిస్తుంది.