మనామా:మేయింటనెన్స్ పనులు చేపట్టనున్న నేపథ్యంలో సార్ ఇంటర్ చేంజ్ రహదారిని పాక్షికంగా మూసివేస్తన్నట్లు మినిస్ట్రి ఆఫ్ వర్క్స్ వెల్లడించింది. ఉత్తర దిశగా వెళ్లే రహదారిని శుక్రవారం, దక్షిణం దిశగా వెళ్లే రహదారిలో శనివారం కొంత సమయం పాటు వాహనాలను అనుమతించబోమని స్పష్టం చేసింది. మినిస్ట్రీ ఆఫ్ వర్క్స్ తెలిపిన వివరాల మేరకు సార్ ఇంటర్ చేంజ్ నుంచి ఉత్తరం దిశగా మనామా వైపు వెళ్లే స్లో రోడ్డును శుక్రవారం అర్ధరాత్రి 12 గంటల నుంచి రాత్రి 11.30 గంటల వరకు మూసివేస్తారు. అయితే..వాహనదారుల కోసం రెండు లేన్లు అందుబాటులో ఉంటాయి. ఇక ఇంటర్ చేంజ్ నుంచి దక్షిణం దిశగా రిఫా వైపు వెళ్లే రహదారిని శనివారం అర్ధరాత్రి నుంచి ఆదివారం తెల్లవారుజాము 5 గంటల వరకు మూసివేయస్తారు. వాహనదారుల కోసం రెండు లేన్లను అందుబాటులో ఉంచుతారు.