కువైట్: మిర్‌కాబ్‌లో కార్‌ స్పేర్‌ పార్టులు అలాగే టైర్లు విక్రయించే దుకాణాల్లో అగ్ని ప్రమాదం చోటు చేసుకోగా, కువైట్‌ ఫైర్‌ సర్వీస్‌ డైరెక్టరేట్‌కి చెందిన ఫైర్‌ మెన్‌ ఆ అగ్ని కీలల్ని అదుపు చేశారు. తెల్లవారు ఝామున 2 గంటల సమయంలో ఈ ఘటనకు సంబంధించిన సమాచారం అందిందనీ, ఆ వెంటనే ఆరు స్టేషన్ల నుంచి ఫైర్‌మెన్‌ సంఘటనా స్థలానికి చేరుకుని, పరిస్థితిని అదుపులోకి తెచ్చారనీ కువైట్‌ ఫైర్‌ సర్వీస్‌ డైరెక్టరేట్‌ వెల్లడించింది. తొమ్మిది స్టోర్లు ఈ అగ్ని ప్రమాదానికి గురయ్యాయి. 50 వాహనాల్ని అగ్ని ప్రమాదం నుంచి సేఫ్‌గా తప్పించగలిగారు ఫైర్‌ మెన్‌. ఈ ఘటనలో ఎవరికీ ఎలాంటి గాయాలూ సంభవించలేదు. ఘటన ఎలా జరిగిందన్నదానిపై విచారణ కొనసాగుతోంది.