కరోనా తర్వాత సాధారణ పరిస్థితులు నెలకొల్పేందుకు అన్ లాక్ ప్రక్రియను దశలు వారీగా అమలు చేస్తున్న కువైట్ ప్రభుత్వం..ఇక స్కూల్స్ ప్రారంభంపై దృష్టిసారించింది. నవంబర్ నుంచి పాఠాశాలల క్రమంగా పునప్రారంభించే యోచనలో ఉంది. దీనికి సంబంధించి విద్యాశాఖ అధికారులు ఆరోగ్య మంత్రిత్వ శాఖతో చర్చలు జరుపుతోంది. అయితే..వైరస్ వ్యాప్తి, కరోనా వ్యాక్సిన్ అందుబాటులోకి వచ్చే అంశాలను కూడా విద్యాశాఖ పరిగణలోకి తీసుకుంటోంది. ప్రస్తుతానికైతే నవంబర్ నుంచి క్రమంగా స్కూల్స్ ను ప్రారంభించేలా ప్రణాళిక సిద్ధం చేస్తున్నా..అప్పటి పరిస్థితులను బట్టి మళ్లీ చర్చించే అవకాశాలు ఉన్నాయి.