యూఏఈ:కరోనా నిబంధనల్ని పాటించని ఐదు దుకాణాలపై భారీ జరీమానాలు విధించినట్లు అల్‌ ధయిద్‌ మునిసిపాలిటీ మార్కెట్‌ హెడ్‌ ఒమర్‌ హమిద్‌ చెప్పారు. మునిసిపాలిటీ, కొత్త అకడమిక్‌ ఇయర్‌ నేపథ్యంలో తనిఖీలు నిర్వహించడం జరుగుతోంది. స్టేషనరీ, బొమ్మలు, ఇతరత్రా విద్యా సంబంధిత టూల్స్‌ విక్రయాల నేపథ్యంలో ఈ తనిఖీలు నిర్వహిస్తున్నారు. కాగా, మునిసిపాలిటీ 23 ఔట్‌లెట్స్‌లో తనిఖీలు నిర్వహించగా, వాటిల్లో ఐదు షాప్‌లు నిబంధనలు ఉల్లంఘించినట్లు గుర్తించారు. ఈ తరహా ఉల్లంఘనలపై 993 నెంబర్‌కి ఫిర్యాదు చేయవచ్చునని అధికారులు సూచించారు.