కువైట్ సిటీ:ఇండియన్‌ ఎంబసీ, రిజిస్ట్రేషన్‌ డ్రైవ్‌ని ప్రారంభిస్తున్నట్లు ప్రకటించింది. కువైట్‌లోని భారత జాతీయుల కోసం ఈ డ్రైవ్‌ని ప్రారంభించారు. చెల్లుబాటయ్యే ట్రావెల్‌ డాక్యుమెంట్లు లేని భారతీయులు, ఆన్‌లైన్‌ ద్వారా రిజిస్టర్‌ చేసుకోవాల్సి వుంటుందనీ, సంబంధిత వివరాల్ని అందులో నమోదు చేయాలని అధికారులు పేర్కొన్నారు. తద్వారా వచ్చే రిజిస్ట్రేషన్‌ నెంబర్‌ని తదుపరి కరెస్పాండెన్స్‌ లేదా అప్‌డేట్స్‌ కోసం ఉపయోగించవచ్చు. పూర్తి వివరాల కోసం వెబ్‌సైట్‌ని సందర్శించవచ్చు. ఈ డ్రైవ్‌కి సంబంధించి రిజిస్ట్రేషన్‌ పూర్తిగా ఉచితం. ట్రావెల్‌ డాక్యుమెంట్స్‌ జారీ కోసం ఫీజుని ఎంబసీ కౌంటర్‌ వద్ద చెల్లించడానికి వీలుంది.

--దివాకర్(మాగల్ఫ్ ప్రతినిధి,కువైట్)