జెడ్డా:సౌదీ అరేబియాలో కరోనా నుంచి కోలుకున్నవారి సంఖ్య 300,000కి చేరుకుంది. కాగా, తాజాగా సౌదీ అరేబియాలో 687 కరోనా పాజిటివ్‌ కేసులు నమోదయ్యాయి. మొత్తం 19,261 యాక్టివ్‌ కేసులున్నాయి. వీటిల్లో 1,368 మంది క్రిటికల్‌ కండిషన్‌లో వున్నారు. శుక్రవారం కరోనాతో 24 మంది చనిపోయారు. దీంతో మొత్తం మరణాల సంఖ్య 4,213కి చేరుకుంది. కొత్తగా నమోదైన కేసుల్లో 45 శాతం మహిళలు కాగా, 10 శాతం చిన్నారులు. 86 శాతం మంది పెద్దవారు, 4 శాతం మంది వృద్ధులు వున్నారు. కాగా, సౌదీ అరేబియా ఇప్పటిదాకా 5,645,077 పీసీఆర్‌ టెస్టులు నిర్వహించింది. గడచిన ఇరవై నాలుగు గంటల్లో 55,584 పరీక్షలు నిర్వహించడం జరిగింది.