మనామా:ఇజ్రాయెల్‌తో సన్నిహిత సంబంధాలకు సంబంధించి బహ్రెయిన్‌ కూడా కీలకమైన ముందడుగు వేయనుంది. అమెరికా అఫధ్యక్షుడు డోనాల్డ్‌ ట్రంప్‌ సూచన మేరకు యూఏఈ ఇప్పటికే, ఇజ్రాయెల్‌తో చారిత్రక ఒప్పందాలు కుదుర్చుకున్న విషయం విదితమే. తాజాగా బహ్రెయిన్‌ కూడా ఆ కోవలో చేరనుంది. ఇజ్రాయెల్‌ ప్రధాని బెంజిమన్‌ నెతన్యాహా, బహ్రెయిన్‌ కింగ్‌ హమాద్‌ బిన్‌ ఇసా అల్‌ ఖలీఫాతో ఒకేసారి ఫోన్‌లో మాట్లాడారు డోనాల్డ్‌ ట్రంప్‌. ఈ సందర్భంగా ఓ ఒప్పందం మూడు దేశాల మధ్యా కుదిరింది. ఈ క్రమంలో ట్రంప్‌ మరో డిప్లమాటిక్‌ విక్టరీని నమోదు చేసినట్లయ్యింది. సెప్టెంబర్‌ 11, 2001న అమెరికాలోని వరల్డ్‌ ట్రేడ్‌ సెంటర్‌పై తీవ్రవాద దాడి జరిగిన 19 ఏళ్ళ తర్వాత.. అదే రోజున ట్రంప్‌ చారిత్రక విజయాన్ని సాధించారు బహ్రెయిన్‌ - ఇజ్రాయెల్‌ మధ్య సన్నిహిత సంబంధాలను నెలకొల్పడం ద్వారా.