దుబాయ్:కోవిడ్ వ్యాప్తి నియంత్రణకు అమల్లోకి తీసుకొచ్చిన మార్గనిర్దేశకాల పట్ల కొందరు నిర్లక్ష్యంగా వ్యవహరిస్తున్నారని దుబాయ్ పోలీసులు ఆగ్రహం వ్యక్తం చేశారు. కోవిడ్ 19 నిబంధనలు అమలు తీరును పరిశీలించేందుకు దుబాయ్ లోని పలు షాపింగ్ మాల్స్ ఆకస్మిక తనిఖీలు నిర్వహించారు. ఈ తనిఖీల్లో పలు ఔట్ లెట్స్ లో భౌతిక దూరంతో పాటు ప్రభుత్వం జారీ చేసిన మార్గనిర్దేకాలను భేఖాతారు చేస్తున్నట్లు పోలీసులు, వాలంటీర్లు గుర్తించారు. దుబాయ్ లోని నాలుగు షాపింగ్ మాల్స్  ది దుబాయ్ మాల్, మాల్ ఆఫ్ ది ఎమిరేట్స్, మిర్డిఫ్ సిటీ సెంటర్, ఫెస్టివల్ సిటీ మాల్ లో 141 ఉల్లంఘనలకు సంబంధించి ఫైన్లు విధించారు. 1,422 వార్నింగ్ లు ఇచ్చినట్లు పోలీసులు తెలిపారు.