కువైట్ సిటీ:కువైట్ లో క్వారంటైన్ గడువు ఇక నుంచి ఏడు రోజులే ఉండే అవకాశాలున్నాయి. విమాన ప్రయాణికుల క్వారంటైన్ కాలపరిమితిని 7 రోజులకు తగ్గించాలని కువైట్ పౌర విమానయాన సంస్థ ప్రతిపాదించింది. ప్రస్తుతం కువైట్ చేరే విమాన ప్రయాణికులు 14 రోజుల పాటు క్వారంటైన్ లో ఉండాలనే నిబంధన అమలులో ఉంది. అయితే..ఈ సమాయాన్ని సగం రోజులకు తగ్గించాలన్నది డీజీసీఏ ప్రతిపాదన. అంతేకాదు..ఈ మేరకు ఆరోగ్య మంత్రిత్వ శాఖ కార్యదర్శికి,  కువైట్ అంతర్జాతీయ విమానాశ్రయ అధికారులకు లేఖ రాసింది. ప్రస్తుతం అమలులో ఉన్న 14 రోజుల క్వారంటైన్ కాలపరిమితిని 7 రోజులకు కుదించాలని కోరింది. అయితే..ప్రయాణికులు అందరూ కోవిడ్ లేదని నిర్దారించే ఆర్టీ పీసీఆర్ నెగటీవ్ సర్టిఫికెట్ ను చూపించాల్సిందేనని పేర్కొంది.