యూఏఈ: అజ్మాన్ లో రెండు షాపింగ్‌ సెంటర్స్‌ని అజ్మాన్‌ డిపార్ట్‌మెంట్‌ ఆఫ్‌ ఎకనమిక్‌ డెవలప్‌మెంట్‌ తాత్కాలికంగా మూసివేయడం జరిగింది. కరోనా వైరస్‌ నేపథ్యంలో పాటించాల్సిన నిబంధనల్ని ఉల్లంఘించినందుకుగాను ఈ చర్యలు తీసుకున్నారు. మేనేజర్‌ ఆఫ్‌ ఇన్‌స్పెక్షన్‌ మరియు ఫాలో అప్‌ సెక్షన్‌ మజెద్‌ అల్‌ సువైదీ మాట్లాడుతూ, ఎమిరేట్‌లోని పలు మార్కెట్లపై ఎప్పటికప్పుడు తనిఖీలు నిర్వహిస్తున్నామనీ, ఈ క్రమంలో ఉల్లంఘనల్ని గుర్తించడం జరుగుతోందని అన్నారు. పబ్లిక్‌ సేఫ్టీ మరియు హెల్త్‌ నేపథ్యంలో రెండు సెంటర్స్‌ని తాత్కాలికంగా మూసివేయడం జరిగిందని ఆయన వివరించారు.