యూఏఈ:రస్‌ అల్‌ ఖైమాలోని ఓ లేబర్‌ క్యాంప్‌లో అగ్ని ప్రమాదం చోటు చేసుకుంది. ఈ నేపథ్యంలో 44 మంది కార్మికుల్ని ఆ ప్రాంతం నుంచి ఖాళీ చేయించారు. సివిల్‌ డిపెన్స్‌ బృందం అలాగే ఫైర్‌ ఫైటర్స్‌ సకాలంలో సంఘటనా స్థలానికి చేరుకుని, మంటల్ని ఆర్పేందుకు ప్రయత్నించారు. మొత్తం 9 కారవాన్లు అగ్ని ప్రమాదానికి గురయ్యాయి. కారవాన్లలోని 44 మంది వర్కర్స్‌నీ సేఫ్‌గా బయటకు తీసుకు వచ్చినట్లు అధికారులు పేర్కొన్నారు. సమీపంలో వున్న 21 కారవాన్లకు అగ్ని కీలలు వ్యాపించకుండా సివిల్‌ డిఫెన్స్‌ బృందాలు పనిచేశాయి. రికార్డు సమయంలో మంటల్ని అదుపు చేసినట్లు అధికారులు పేర్కొన్నారు.